Eit saksframlegg er det som vart lagt fram, ikkje vedtaket — kva utvalet
gjorde med det, står under.
Vi attgjev ikkje innhaldet: vi har berre registrert kva ord som står i
dokumentet, so det kan søkjast fram.
Framlegg 1
vedtekeStåle Hauge-AP
Vis heile framlegget
Klaga vert teken til følgje. Søknad om dispensasjon frå rekkjefølgjekrav og regulert
byggjegrense for oppføring av tilbygg vert innvilga. Vedtaket har heimel i plan- og
bygningslova § 19-2.
Utvalet vurdera at dispensasjon ikkje vesentleg set til side føresegner i reguleringsplanen for
Storsandvik -næringsområde (a-pl.id4631_12602011000300) pkt. 2.3.3 eller kommuneplans
arealdel som gjeld rekkjefølgjekrav eller byggjegrense.
Utvalet ser ikkje at det er negative konsekvensar for helse, jordvern eller tilgjengelegheit.
Når det gjeld miljø og sikkerheit vil dispensasjon ha positive verknader.
Utvalet ser ikkje at formålet med lova eller nasjonale eller regionale interesser, blir
vesentleg set til side.
Etter ei samla og konkret vurdering finn utvalet at det er ein klar overvekt for å gi
dispensasjon og fordelane med å gi dispensasjon er klart større enn ulemper.
Grunngjeving:
Generelt er reguleringsplan for Storsandvik arealplan id: 4631_12602011000300 over ti år
og er ikkje oppdatert eller tek i seg endringar bruk av alt etablerte næringsområde. Ein må i
dagens situasjon prøva så langt som mogleg å unngå å ta i bruk nytt urørt areal til
næringsformål. Fortetting av næringsområde og tillata bygging som overskrida BYA bør
brukas som verkemiddel for å sikra ein meir miljø- og naturvenleg bruk av alt eksisterande
areal.
Dispensasjon frå byggjegrense vil ikkje hindra vidare utvikling av gnr/br 482/74 som alt er eit
utbygd området. Eller fullføring av KV02 fram mot «rundkøyring» på F/I 01 og 02. Då
terrenget mellom planert tomt og vegareal er skrått, høgdeforskjell mellom 5-7 meter (målt
i kart) på ein minste avstand på ca. 6 meter. Den delen av regulert vegareal som vert
påverka av dispensasjon ligg på tiltakshavars eigedom og slik vil dispensasjon mot oppsett
byggjegrense ikkje gå ut over andre heimelshavara og i liten grad gjennomføring av plan
intensjonen sin.
Det er i planen lagt opp til rekkjefølgje krav i punkt 2.3.3; Køyrevegar, gangvegar og
kollektivhaldeplassar i planområdet skal vera dimensjonert som vist i planen og skal vere
ferdigstilt før det vert gjæve ferdigattest på søknadspliktige tiltak i planområdet om
opparbeiding.
Rekkjefølgjekrava tek opp i seg å sikra tryggleik til harde og mjuke trafikantar. Fortau som
ligg i plan er på begge sider av kryss ut i FV565 på ein lengd av totalt ca. 230 meter. Det er
pr.no ein avstand mot nærmaste fortau kryssa til Hillandsvegen i ca 3,7 km og mot krysset til
Solendvegen ein avstand på 8,7 km. Etableringa av fortau kravd i føresegna vil ikkje auka
trafikktryggleiken i noko stor grad. Det er ikkje kjent for utvalet at det er i nærliggande tid
planar for å etablera fortau på heile strekninga og ein kan vurdera at eit fortau på ein så kort
strekning vil gje den motset effekten den er tiltenkt. Utvalet forventa at krysset ut på FV565
vert utbetra etter rekkjefølgjekrav i plan.
Tiltaket som er søkt om vil ikkje auka trafikken internt eller ved utkøyrsle til FV565 i noko
stor grad.
Tiltaket støttar også formålet med lova om å fremja ei berekraftig utvikling for kvar enkelt,
samfunnet og framtidige generasjonar (langsiktige løysningar). Kvar enkelt får sikra
arbeidsplassen sin eksistensen i Alver kommune, samfunnet i Alver beheldt ein viktig
arbeidsplass for lokale arbeidstakarar. Oppbygging av kompetansearbeidsplassar er viktig
for framtidige generasjonar og dessutan at tiltaket avgrensar behovet sparar ytterlegare
naturinngrep for nye næringsområde.
Utfall: vedteke · Presisjon: samroystes
Ingen partifordeling registrert — sjå råteksten under.